ચીખલી ફડવેલ હાઇવે પર સાદકપોર પંથકમાં ટ્રાન્ફોર્મેરો પર ઝાંડી ઝાખરા તેમજ નમેલા વીજપોલ જોખમી. પ્રિમોન્સૂન કામગીરી માં આળસ ખંખેરી ને તંત્ર કામગીરી કરશે કે કેમ ?

ચીખલી ફડવેલ હાઇવે પર સાદકપોર પંથકમાં ટ્રાન્ફોર્મેરો પર ઝાંડી ઝાખરા તેમજ નમેલા વીજપોલ જોખમી

નમેલા વીજપોલથી વાહન ચાલકો ઉપર ઉભુ થતુ જોખમ

ચિખલી ફડવેલ હાઇવે પર સાદકપોર પંથકના વિવિધ વિસ્તારોમાં રસ્તાની બાજુમાંથી પસાર થતી વીજપોલના વાયરો નમેલી અવસ્થામાં છે કે ગમે તે સમયે અકસ્માતો સર્જી શકે છે તેમજ ઠેર ઠેર ટ્રાન્ફોર્મેરો પર ઝાડી ઝાંખરાનુ સામ્રાજ્ય જોવા મળી રહ્યું છે. મોટાભાગે રાત્રિ દરમિયાન પાવરકટ થવાનું કારણ વીજ કંપની કામગીરીનો અભાવ તેમજ ગંભીર બેદરકારીનું પરિણામ છે તેમજ નમેલા વીજતારો તેમજ વીજપોલને કારણે ત્યાંથી પસાર થતા પશુ કે માનવી દુર્ઘટનાનો શિકાર બને તો નવાઈ નહીં.

દ.ગુ.વીજ કચેરીમાં સ્થાનિક

નાગરિક દ્વારા અરજી આપ્યા બાદ પણ કામગીરી કરાઈ નથી. કાર્યપાલક ઈજેનર સ્થળ તપાસ કરાવી ગ્રામજનોના પ્રશ્નોનું વહેલીતકે નિરાકરણ લાવે તેવી માંગ ઉઠી છે. ઝાડી ઝાંખરાથી

લપેટાયેલા ટ્રાન્ફોર્મરો તેમજ નમેલા જીવંત વીજ વાયરોથી અકસ્માત થયા બાદ અધિકારીઓ માત્ર પંચનામુ કરવા આવશે કે આ સમસ્યાનું વહેલી તકે નિરાકરણ કરશે એવું સ્થાનિકોમાં ચર્ચાઈ રહ્યું છે. હાલ વીજ ટ્રાન્ફોર્મરો અને વીજપોલ નમી જતા જોખમી બન્યા છે. દક્ષિણ ગુજરાત વીજ કંપની દ્વારા ગ્રાહકો પાસે સમયસર નાણાં તો વસુલ કરે છે પરંતુ ગ્રાહકોના પ્રશ્નો હલ થતા નથી તેમજ કમ્પ્લેન નંબર પર ફોન કરતા સંતોષકારક જવાબ મળતો નથી અને કલાકો સુધી નિરાકરણ થતું નથી. વીજકંપની પોતાની કામગીરી સમયસર કરવામાં વામળી પુરવાર થઈ રહી છે.

રિપોર્ટર
ભુપેન્દ્ર પટેલ
ચિખલી