બારડોલી ઔદિચ્ય બ્રાહ્મણ સાર્વજનિક હાઈસ્કૂલના દીકરીઓએ જિલ્લા કક્ષાની એથ્લેટિક્સમાં શાનદાર પ્રદર્શન

ગામીત રિદ્ધિ આગામી દિવસોમાં રાજ્યકક્ષાએ સુરત ગ્રામ્ય જિલ્લાનું પ્રતિનિધિત્વ કરશે.

બારડોલી એજ્યુકેશન સોસાયટી સંચાલિત બારડોલી ઔદિચ્ય બ્રાહ્મણ સાર્વજનિક હાઈસ્કૂલના
વિદ્યાર્થીનીઓએ તાજેતરમાં જિલ્લા કક્ષાની એથ્લેટિક્સ સ્પર્ધામાં ઉત્કૃષ્ટ પ્રદર્શન કર્યું છે અને શાળાને ગૌરવ અપાવ્યો છે.

અંડર 17 કેટેગરીમાં ગામીત રિદ્ધિ 110 મીટર વિધ્નદોડમાં પ્રથમ ક્રમ, લાંબી કૂદ અને લંગડી ફાળ કૂદમાં તૃતીય ક્રમ ,પટેલ વૈદેહી 110 મીટર વિધ્નદોડમાં તૃતીય ક્રમ અંડર 14 કેટેગરીમાં નકુમ ઉર્વિશા 80 મીટર વિધ્ન દોડમાં તૃતીય ક્રમ ,રાય ઈશા ચક્રકેકમાં તૃતીય ક્રમ ,અંડર 19 કેટેગરીમાં રાઠવા તનુજા 400 મીટર વિધ્નદોડમાં તૃતીય ક્રમ પ્રાપ્ત કરી શાળાને જિલ્લા કક્ષાએ ગૌરવ અપાવ્યું છે આ સફળતાને શાળાના શાળા મેનેજમેન્ટના ચેરમેન હસમુખભાઈ પટેલ, માનદમંત્રી ડૉ. વ્યોમ પાઠક, આચાર્યા શ્રીમતિ ચેતનાબેન જે.અધેરા,અંગ્રેજી માધ્યમના ડૉ. રૂમિતભાઈ શાહ, પ્રાથમિક વિભાગના આચાર્ય સુમન ભાઈ મિસ્ત્રી, શાળા મેનેજમેન્ટના સભ્યો અને શાળા પરિવારે વિદ્યાર્થીનીઓને અભિનંદન અને શુભેચ્છા પાઠવી હતી.

વિદ્યાર્થીઓને માર્ગદર્શન આપનાર વ્યાયામ શિક્ષક પટેલ નરેશભાઈ , પ્રજાપતિ ચેતનભાઈ અને ચૌધરી કુલદીપસિંહ, હિમાંશુની સફળતાને પણ મંડળ દ્વારા અભિનંદન પાઠવવામાં આવ્યું.
ગામીત રિદ્ધિ આગામી દિવસોમાં રાજ્યકક્ષાએ સુરત ગ્રામ્ય જિલ્લાનું પ્રતિનિધિત્વ કરશે.